|
|
今晚另一场英超补赛，白礼顿主场火併车路士。白礼顿已经无欲无求，相反「蓝战士」仍要力争下届欧战参赛资格，战意旺盛，不过踢法重攻轻守，近5场联赛作客全开4球或以上，一于捧3.5球嘅入球大。
■（Now622周四凌晨2时45分直播）
白礼顿踢风流波防缐曳
白礼顿自从喺欧霸16犟出局后，变咗洩气皮球，近8场只得1胜3和4负，其中6场有失波，防守不稳之馀，由于距离欧战区渐行渐远，又不愁降班，依家已处于等收咧嘅风流波阶段。虽然系咁，但有时都唔知佢哋开边瓣，好似上场忽然神勇，作客打和纽卡素1比1，估佢唔到。
原本位处中游嘅车路士，近期开始发力，近4场联赛3胜1和，除咗勇挫热刺外，上场对住诺定咸森林落后之下，末段靠史达宁同尼高拉斯积逊2分钟内各建一功，反胜3比2，士气大振，依家已升上第7位，与第6位嘅纽卡素同分，争取下届欧洲赛入场券未绝望。不过要留意，「蓝战士」踢法重攻轻守，入得又失得，尤其系客场，近5场联赛作客赢得1场咁大把，入9球却失咗13粒，全开4球或以上，今场可胜不稳，转捧3.5球入球大更上算。
相关阅读：足球美洲杯直播 |
|
发表于 2024-6-13 10:15:41
